Croqueta de polbo, grelos e Queixo Tetilla
4 PERSOAS:
- 400 g de polbo cocido
- 1 presada de grelos
- 150 g de Queixo Tetilla
- Fariña, 4 ovos e pan relado
- Aceite de oliva e sal
PREPARACIÓN:
Logo de limpar os grelos, cocémolos 3 minutos en auga con sal.
Despois cortamos as patas do polbo do longo que desexemos facer as croquetas e o queixo en tiras finas, do mesmo longo que o polbo.
A continuación xuntamos cada anaco de polbo cun de Queixo Tetilla e envolvémolo cunha folla de grelo. Logo empanámolo pasándoo por fariña, ovo e pan relado.
Para rematar, fritímolos en aceite quente e servímolos quentes para ver fundir o queixo.