Rolo de tenreira reenchido de algas e Queixo Tetilla ao mencía
4 PERSOAS:
- 4 filetes de tenreira galega de 140 g.
- 150 g. de Queixo Tetilla
- Algas undaria cocidas
- 2 copas de viño tinto Mencía Ribeira Sacra
- 1 bolsa de pementos de Herbón
- Azucre, sal e pementa
PREPARACIÓN:
En primeiro lugar, estiramos os filetes e no medio deles colocamos o Queixo Tetilla e as algas, logo enrolámolos e prendémolos con palillos.
A continuación cociñámolos nunha tixola co aceite ben quente para que nos queden ben dourados por fóra e tenros por dentro e retirámolos.
Na mesma tixola, aproveitando o mollo dos filetes reducimos o viño Mencía Ribeira Sacra, e terminamos rectificando a salsa engadindo un pouco de azucre, sal e pementa.
Para finalizar, nunha tixola con aceite quente fritimos os pementos de Herbón e logo de escorrelos con papel absorbente, sazonámolos con sal.