Mexillóns en escabeche con froitas e Queixo Tetilla
4 PERSOAS:
- 1 kg mexillóns.
- 250 g de Queixo Tetilla.
- 1 cebola e 5 dentes de allo.
- 1/2 vaso de viño godello de Valdeorras.
- Pementa en gran e pemento doce.
- 1 kiwi, 8 froitas do bosque e 1 mazá.
- Leituga vermella e verde.
- Aceite de oliva, vinagre, loureiro, perexil e sal
PREPARACIÓN:
Primeiramente facemos o escabeche dourando en aceite os allos e engadímoslle a cebola. Cando estea rustrida engadimos o viño godello, o vinagre, o loureiro, o perexil e o pemento doce. Deseguido fervemos e engadimos os mexillóns abertos previamente.
Finalmente empratamos colocando os mexillóns en escabeche rodeados das froitas cortadas e tacos de Queixo Tetilla.