Xa estamos preparando a XV Cata dos Queixos de Galicia que terá lugar o 28 e 29 de novembro, na sala de cata do IES Compostela, en Lamas de Abade.
Desde Queixo Tetilla participaremos con queixos cun tempo de maduración entre 14 e 20 días no momento da cata, e un só lote por elaborador.
As imaxes que vedes son do marcado de 10 pezas dun lote que cumpre as bases da cata. Márcase con tinta alimentaria, por suposto.
O día 28 pola tarde, será a precata das 31 mostras de Queixo Tetilla participantes, de aquí as 6 con máis puntuación, pasan á cata final, que é o 29 pola mañá.
Irémosvos informando de todo o proceso ata a selección final dos gañadores.
Sorte a todos os participantes!
