4 PERSOAS:
- 8 anacos de peixe sapo de 125 g cada un.
- Queixo Tetilla.
- 4 alcachofas.
- 2 tomates.
- 1 cebola.
- Aceite de oliva virxe extra.
- Fariña.
- Patacas.
- Auga.
- Sal.
- Azucre.
- Ceboliño.
PREPARACIÓN:
Primeiramente limpamos, espiñamos, salgamos e douramos o peixe sapo nunha prancha ben quente cun pouco de aceite de oliva virxe. Deseguido limpamos as alcachofas, escaldámolas nun pouco de auga con sal, laminámolas, enfariñámolas e fritímolas. A continuación facemos unha crema de tomate rustrindo a cebola e os tomates, cando estea rustrido, pasámolo pola túrmix e rectificamos de sal e azucre.
MONTAXE:
Nunha bandexa poñemos as patacas panadeira, encima as alcachofas fritas, logo o rape e para rematar o Queixo Tetilla. Logo introducímolo no forno 5 minutos a 180 ºC. Finalmente facemos unha lágrima coa crema de tomate no fondo do prato, montamos o peixe sapo e a súa guarnición encima e decoramos cunha rama de ceboliño.
Manuel Vázquez Yáñez
Restaurante Campos