Turbante de Queixo Tetilla e espárragos trigueiros

PREPARACIÓN:

Para a cabaciña: cortamos a cabaciña en toros para dourala na tixola cun pouco de aceite e reservámola. Para os espárragos: pelamos os espárragos e cocémolos en auga fervendo. Unha vez cocidos arrefriámolos en auga con xeo para que conserven a cor verde viva.
En canto ao queixo: coa axuda dunha termomix, mesturamos o queixo, nata, e o zume de limón ata conseguir unha pasta cremosa. Engadimos o salmón afumado cortado á xuliana fina e pasámolo a unha manga pasteleira para logo reencher o turbante.
Vinagreta: cortamos en cubos a ceboliña e os pementos, engadimos o aceite e o vinagre de Xerez e poñemos un punto de sal.

MONTAXE:

Montar nun molde redondo: utilizamos a cabaciña como base, forramos cos espárragos e reenchemos coa crema de queixo. Colocamos no prato, engadimos a vinagreta e decoramos con brotes.